Problema Rai, Komunidade Husu “Hamos” Sertifikadu Koloniallizmu

Komunidade Aimeti Laran, Aldeia Saun Jose, Suku Komoro, Sub Distritu Dom Aleixo, Distritu Dili, ejiji ba Tribunal Distrital Dili no Ministeriu Justisa, atu labele fo valor nafatin ba serftifikadu kolonial nian, nebe nakonu ho injustu no explorasaun ba ema Timor.

Kestaun ne’e hato’o husi porta voz Jaime Soares da Costa, relasiona ho problema rai nebe durante ne’e sira okupa, tuir nia katak tempu ona atu povu sira hetan fali sira nia direitu nain ba rai, tamba timor leste hanesan nasaun independente.

“ Oras ne’e dadaun, tempu to’o ona atu povu ki’ik sira hetan fila fali sira nia direitu, tamba TL restaura tiha ona iha 20/5/2002,” hateten Jaime liu husi konferensia imprensa nebe halao iha Aimeti Laran, Aldeia Saun Jose, Sesta (15/7).

Konaba povu nia direitu ba rai no propriedade ou lei agraria foun, nia hateten Timor oan, iha direitu tomak konaba rai no propredade-moris-fatin, hela fatin, fatin ba to’os no natar, fatin ba plantasaun no hakiak animal, no seluk tan.

“ Sertifikadu colonial nebe malae sira halo ne falsu tamba nudar produtu ka rezultadu opkupasaun no dominasaun nian,” hateten tan nia.

Sira mos husu ba tribunal, wainhira tribunal fo valor nafatin ba sertifikadu produtu okupasaun colonial nian, hodi kondena fila fali povu kik sira nebe luta, terus no mate iha funu naruk ba TL nian independensia, sira sei hamrik hodi halo asaun pasifiku hasoru Tribunal. Informasaun kompletu iha STL jornal o STL web, edisaun Sabado (16/7). Josefa Parada