ne'e los katak ;
osan gasta ba dezenvolvimentu ka lae?
degenvolvemento iha area nebe'e deit mak realiza ona?
tebes hanesan ne'e ? katak;
governo AMP gasta osan 2 billiaun iha tinan 4 ne'e la aumenta ekonomia povo kiik los k lae?
politika projeitu governo hanesan politika korupsaun.
Tamba realidade agora nee
hatudu katak fakar ona osan barak durante rezim Banana Gusmao ukun iha
tinan 4 nia laran maibe KUALIDADE DEZENVOLVIMENTU KUAZE LA KORESPONDE
BA OSAN 2 BILIAUN DOLLAR NEBE FAKAR ONA DURANTE TINAN 4 REZIM BANANA
GUSMAO NIAN KAER UKUN!
REZIM AMP XANANA GUSMAO
nian lori liafuan dezenvolvimentu ba nasaun hanesan deit pretextu ida
ka kurtina ida atu hasai osan husi fundu petroleu liu valor
sustentabilidade fundu nee rasik. Maibe osan fakar hela nunka hatudu
dezenvolvimentu ho kualidade! Realidade mak nee fakar osan biliaun 2
resin ona iha rai laran em nome de dezenvolvimentu nebe 70 % halai sai hotu ba liur!
AMP nia politika ekonomia makro
ba dezenvolvimentu maka hanesan hakarak atu ensi be balde ida ba kopu
ida, to ikus nia rezultadu maka be nakonu ituan iha kopu laran maibe
barak mak nakfakar no suli hotu ba fatin seluk. Hakarak hatete katak
ita nia nasaun nia kapasidade ekonomia seidauk bele atu absorve osan
biliaun ba biliaun entaun to'o ikus osan mai husi Amerika (fundu
petroleu), pasiar iha banco central (BPA), transfere ba Ministeriu
finansas para depois semo sai hotu fali ba Indonesia, China no sst. Ida
restu husi osan hirak nee maka hela netik iha TL atu hariku deit
naokten sira iha sirkulu naoksaun nian!
Depois kanta tun sae dehan
kresimentu 2 digitus, kuitadu ba povo mak nee vitima hela deit ho kiak
no mukit plus hetan kualidade eletrisidade AHI MORIS PISKA-piska no han
fos importa husi liur nebe menus hela deit. AMP no Banana Gusmao ho
sirkulu naoksaun sira ignora tiha subsidiu atu kria produsaun iha
railaran rasik. IDA NEE MAK MODELU DEZENVOLVIMENTU A LA AMP NIAN!
AMP POLITIKUS BANANA no
MAUFEHUK TANTANAN SIRA koalia dehan dezenvolvimentu gasta osan
bar-barak atu lori nasaun ba oin, maibe exemplo kiik ida mak iha sektor
agrikultura nebe simples deit. Tuir lolos situasaun emergensia hotu ona
hapara ka hamenus ona importa fos husi rai liur no konsentra ona atu
kria modelu dezenvolvimentu ba sektor agrikultura ho fokus prinsipal
maka kria rede distribuisaun nebe evicaz, hasae kualidade no importante
liu fo subsidiu ba ita nia agrikultur sira atu bele produz no sai
produtivu.
Politika no estrategia ba
agrikultura ida nebe signifika haforsa no fo insentiva ba ita nia
agrikultur atu iha produtividade. Maibe ida nee la akontese. Hakarak
maka nee importa fos husi liur maski fila ema sira husi liur naoktan
sira hodi lori fos ba fan fali iha Indonesia. Signifika katak osan povo
Timor Leste nian nebe AMP Banana sira uza sala hodi serve fali
interesse povo rai seluk nia kabun.
Falhansu atu gere didiak osan
povo nian nebe mai husi Fundu Petroleu sginifika sira ukun ho orsamentu
bot tebes maibe kualidade dezenvolvimentu nebe mosu sei aat liu fali
provinsia ka kabupaten ida iha Indonesia neba. To'o ikus mak nee lori
povo nia naran no hatenu tun sae dehan impresta osan husi nasaun seluk
no foti osan barak liu tan husi FP. Tinan-tina gere deit centenas
milioes mos sira ulun tun ain sae agora hanoin hakarak gere biliaun ba
biliaun tan. Entaun nasaun nee banana sira iha AMP hakarak lori ba sena
tama iha kuak falhansu ida nebe no oinsa, ita sai bilan hotu.
Ita hotu hakarak atu nasaun
hakat ba oin ho modelu dezenvolvimentu ida nebe sustentavel, katak uza
rasik osan surplus nebe nasaun iha tuir kapasidade aktual ekonomia
railaran. Maibe infelizmente, gorvenantes sira iha AMP kakutak nu lombo
deit no moris hanesan parasitas iha organismu ida nia laran no laho iha
natar laran.
Gosta mak naok hodi moris husi
rikeza Estado nian ka publiku nian no la fo prioridade ba sektor
prinsipal hanesan saude, edukasaun no agrikultura. Sira hanoin maka
fakar osan deit sem iha valor ho kualidade nebe koresponde ba osan.
Modelu dezenvolvimentu AMP nian
mak nee kareta foun bar-barak, hatama ema estrangeiru bar-barak mai
railaran atu okupa hotu rainain sira nia servisu no negosiu kikoan
sira, gasta osan bara-barak ba sosa material funu nian, gasta osan
barak ba sosa fos toneladas ba toneladas hodi to'o ikus fahe tan ba ema
Indonesia sira iha Atambua no Kalimantan enkuantu iha railaran povo TL
rasik hakilar iha distritu hotu konaba falta fos no hamlaha no sst nebe
halo ita atu muta deit!
Entaun hakarak hasai osan
biliaun ba biliaun povo TL nian husi Fundu Petroleu nee atu halo tan
saida? Nia resposta mak nee atu habokur no fo han deit ema seluk husi
rai liur no hamout nafatin povo Timor Leste! Ho modelu dezenvolvimentu
AMP nian nee ita husu fali, independencia nee atu serve ba se? Karik ba
estrangeiru sira no sirkulu naoksaun iha AMP nia sistema governasaun
mafiozu, maibe ba povo Timor Leste sem duvida LAE!
121
